Me hed geng gären, mein'i,
Es Jedelli lang gan -
Dö seid eis Hans zen Heini:
"Mir sellten zämen schtahn.

Es Grippli sellti wärden
Vun sächs, acht, zächen Lyt,
De d's Jodlen ischt üf Aerden
Halt doch fascht d's Scheenscht, wa's git."

D'Idee hed bald eis zinted,
Schon isch en hibsche Trupp.
Wär hoired, hed si g'chinted:
Geburt vum Jodler-Klub!

Das list sich schiizli gäbig,
Wie we's am Schnierli wän
Dehar chun z'gumpen läbig -
Brüüchscht chüüm de Säge z'gän.

Die, wa de Charre richten
Dir d'Jahr üüs und in,
Die wissten eppa z'brichten
Wie "gäbig" das ischt gsin.

Jubiläumsgedicht Ernst Nägeli, 1986